ការយល់ដឹង និងការផ្សព្វផ្សាយ
ទីភ្នាក់ងារកម្ពុជាប្រឆាំងដូប៉ា/ដូពិង

ទីភ្នាក់ងារកម្ពុជាប្រឆាំងដូប៉ា/ដូពិងទាក់ទងទៅអ្នកពាក់ព័ន្ធទាំងអស់ដើម្បីអភិវឌ្ឈន៍មជ្ឈដ្ឋាននៃកីឡាស្អាតស្អំ។ ទាំងនេះត្រូវបានធ្វើដោយការផ្សព្វផ្សាយ តាមរយៈការចុះអប់រំ កីឡាករ និងអ្នកជាប់ពាក់ព័ន្ធ និងផ្តល់ពត៌មានអំពីការល្មើស នឹងច្បាប់ដូប៉ា/ដូពិងគ្រប់ទម្រង់។

កម្មវិធីផ្សព្វផ្សាយត្រូវបានបង្កើតឡើងដើម្បីផ្តល់ជូនអ្នកពាក់ព័ន្ធនូវសម្ភារៈអប់រំ កម្មវិធីនេះផ្តោតសំខាន់លើការបង្កើតការអបំរំការ ប្រឆាំងដូប៉ា/ដូពិងសម្រាប់គ្រប់អត្តពលិក ឬមិនមែនជាអត្ថពលិក បង្កើនការយល់ដឹងនៅតាមទីកន្លែងប្រកួត ដោយប្រកាន់យកគោលការណ៍ “អ្នកចេះ បង្រៀនអ្នកចេះតិច ហើយអ្នកចេះតិច បង្រៀនអ្នកមិនចេះសោះ” ទៅទាំងអត្តពលិក និងអ្នកគាំទ្រអត្តពលិក។

Play True Quiz.

WADA’s Play True Quiz គឺជាល្បែងល្បងប្រាជ្ញាតាមកុំព្យូទ័រ ដែលមាន ១០សំនួរ ដើម្បីធ្វើតេស្តចំនេះដឹងអំពីការប្រឆាំដូប៉ា/ពិង តាមរយៈគេហទំព័រ https://quiz.wada-ama.org/

Anti-Doping E-Learning (ADEL): កម្មវិធី The Anti-Doping e-Learning platform (ADEL) បានផ្តល់នូវគ្រប់ប្រធានបទដែលទាក់ទងនឹងកីឡាស្អាតស្អំ និងការប្រឆាំងដូប៉ា/ដូពិង។ វាបានផ្តល់នូវមេរៀនខ្លីទៅអត្តពលិក គ្រូបង្វិក វេជ្ជបណ្ឌិត អ្នករដ្ឋបាលកីឡា និងអ្នកមានចំណាប់អារម្មណ៍ក្នុងការសិក្សាអំពីការប្រឆាំងដូប៉ា/ ដូពិង និងការពារតម្លៃនៃកីឡាស្អាតស្អំ ដោយតាមរយៈគេហទំព័រ: https://adel.wada-ama.org/km/dashboard

ការស្រាវជ្រាវវិទ្យាសាស្ត្រសង្គម៖ ទីភ្នាក់ងារកម្ពុជាប្រឆាំងការប្រើប្រាស់សារធាតុដូប៉ាក្នុងវិស័យកីឡាគាំទ្រដល់ការប្តេជ្ញាចិត្តរបស់ WADA ក្នុងការពង្រឹងនូវយុទ្ធសាស្រ្ត ក្នុងការទប់ស្កាត់សារធាតុដូប៉ា/ពិងតាមរយៈការស្រាវជ្រាវវិទ្យា សាស្ត្រសង្គម មានគោលបំណងផ្តួចផ្តើមការស្រាវជ្រាវបន្ថែម លើភាពចម្រុះនៃការប្រឆាំងដូប៉ា/ដូពិង។ ក្នុងការយល់ដឹងអំពី ភាពខុសគ្នាជាមូលដ្ឋានរវាងបុគ្គលដែលបញ្ចប់ការប្រកួតស្អាតស្អំ និងអ្នកដែលប្រើប្រាស់ដូប៉ា/ដូពិង ការកំណត់បំណងសម្រាប់ ការប្រើប្រាស់ដូប៉ា/ដូពិង ទោះបីត្រូវបានដឹងច្បាស់ពីផលប៉ះពាល់ ដែលបង្កគ្រោះថ្នាក់ពីសារធាតុដូប៉ា/ពិង និង ច្បាប់ប្រឆាំងដូប៉ា/ដូពិង ក៏ដោយ វានឹងជួយក្នុងការធានាថាយុទ្ធសាស្ត្របង្ការ ប្រឆាំងដូប៉ា /ដូពិង នឹងមានឥទ្ធិពល និងប្រសិទ្ធិភាពខ្ពស់។